ناڤەرۆک و ڕێباز:

1- پێشئێخستنا لايەنێ ئایینی: گوڤار کویر دچیتە د لایێن ڕۆحی یێن ژیانا مرۆڤیدا، و بەرێخۆدانان دەربارەى ئایینی و ئەزموونێن زیندی یێن باوەرییێ پێشکێشدکەت. بابەتێن گۆتاران پرسێن ژ قورئانێ و سووننەتێ ب خۆڤە دگرن، و گرنگییێ ب پرسین مرۆڤایەتی یێن هەڤچەرخ ددەن، و جەختکرنێ ل سەر ڕۆلێ گرنگ و ژیانی یێ ئایینی دکەت د جیهانەکا ب شێوەیەکێ زێدە پێکڤەگرێدایدا.

2- دیتنێن جڤاکی: شرۆڤەکرنێن کویر یێن ژ قورئان و سوننەتێ وەرگرتی بۆ پێکهاتەیێن جڤاکی، و ئاستەنگ و گوهۆڕینان پێشکێشدکەت، ژ ئاراستەیێن جیهانی هەتا ڤەکولينا ڕەوشا ناڤخۆیی يا جڤاکێن موسلمان یێن کو د ناڤ گوهۆڕینێدا دهێن و دچن. گۆتارێن وێ بابەتێن دەربارەى وەکهەڤی و دادپەروەرییێ و مافێن مرۆڤی د ڤەگێڕانێن خۆدا پێکڤە گرێددەت، و بەرێخۆدانێن پڕاکتیکی و بيردۆزی یێن ئایینی د دووبارە هەلسەنگاندنا واندا ب شێوەیەکێ سەربەخۆ ژ کەش و هەوایێ نوێخازی و علمانیدا وان بابەتان پێشکێشدکەت.

3- ڕەنگڤەدانێن ڕەوشەنبیری: گوڤار پێشوازییێ ل کەلتوورێ ڕەوشەنبیری و ڤەدیتنان دکەت، و گۆتارێن دەربارەى هزرێ و فەلسەفێ و دیرۆکێ پێکێشدکەت، و دیاردکەت کا چەوا ڕەوشەنبیری ناسنامەیا مرۆڤی دروستدکەت و پێکدئینیت و پەیوەندییان ب هێز دئێخیت، و چاڤێ گرنگیدانێ دئخیتە سەر دەنگێن سەرەکی و پشتگوهـهاڤێتی.

4- بزاڤێن هزری: ل گەل پێگیرییا ب هویرییا هزری، گوڤار هندەک گۆتار و لێزڤڕین و ڕێنماییێن هزران دئازرینن بەلاڤدکەت، و ڕۆناهییێ دئێخیتە سەر هزر و بیرێن پێشەنگ و شرۆڤەکرنێن دیرۆکی و گۆتارێن فەلسەفی و ئەوێن تێگەهتشنا خواندەڤانی بۆ ڕەوشا مرۆڤایەتییێ دەولەمەند دکەن ل گەل هشیارکرنا ب وێ چەندێ کو ب کەش و هەوایێ علمانی یێ دەستهەلادار ل گەل سەرەدەریکرنا ل گەل هزر و بیر و باوەرێن ئایینی کارتێکرن لێ نەبیت، ل شوینا وێ چەندێ، گۆتارێن گوڤارێ وێ هزرێ ب هێز دکەن ئەوا دیاردکەت کو عەقلانییەتا پاقژ یا نەئایدولۆژی ل گەل بەرێخۆدانێن ئایینی یێن گەل خۆرستییا مرۆڤی یا پاقژ دگۆنجن.

* پیڤەرێن نڤیسینێ و شیانا گەهشتنێ: گوڤار هەڤسەنگییێ د ناڤبەرا کویراتییا زانستی – ئەکادیمی و ب ساناهی خواندنێدا دکەت، کو وەسا لێدکەت ببیتە ژێدەرەکێ نموونەیی بۆ مامۆستا و فێرکار و گەنجێن خواندەڤان یێن ئاسایی یێن ژ لایێ هزرییڤە حەزا فێربوونێ هەى، تیما نڤیسینێ هەڤکارییێ ل گەل تۆڕەکا پشکدارێن بسپۆر دکەت، کو ناڤەڕۆکەکا باوەرپێکری و سەرنجڕاکێش مسۆگەر دکەت، ئەو گۆتارێن ژ لایێ تیما نڤیسینێڤە لێزڤڕین بۆ دهێتە کرن ل گەل گۆتارین بۆچوون و کارێن داهێنەرانە یێن ل گەل، کو ئەزموونەکا دینامیکی و فڕەلایەن پێشکێدکەن.

ئەڤ گوڤارە د ناڤەڕۆکا خۆدا گەلەک ژ کوگەهەکا زانێنێ پترە، ئەو پالدەرەکە بۆ گۆتارا ڤەکولینکری و پرەکە بەرێخۆدانێن جودا جودا پێکڤە گرێددەت، کو وێ دکەتە ژێدەرەکێ گرنگ یێ ئەم د بزاڤا خۆ یا کۆم یا بۆ تێگەهشتنا ساخلەمدا نەشێین ژێ بێمنەت ببین، ئەو گوڤارەکە پێدڤییە ل سەر هەر گەنجەکێ ل ڕۆهنی و ئاشکرایی و گەشەکرنێ و بدەستڤە ئینانا زانیاریان دگەڕیت بخوینیت، ئانکو ئەو گوڤارە یا خواندەڤانێ خۆ بۆ حەز و پێشکەڤتنا هزری پالددەت.

ئەو گوڤارە يا كو دەلیڤەیێ بۆ وی گەنجی خودان حەز بەردەست دکەت ئەوێ بزاڤێ دکەت ببیتە پشکەک ژ گوهۆڕینێ و کەسێن دیتر ژی د هزر و بیرێن خۆدا هەڤپشک بکەت، و هزرا خۆ جیاوازکرنێ بدەتە وان ژی، ئەو دەلیڤەیێ ددەتە وی گەنجێ دخوینیت و بزاڤێ دکەت ب ڕێکا بەلاڤکرنا گۆتاران و ڤەکولین و پەڕتووکان خواندنێ بکەتە ڕەوشەنبیرییەک د ناڤ تاکەکەسێن نڤشێ گەنجدا.